“QUŞ QRİPİ” İLƏ BAĞLI MONİTORİNQ DAVAM EDİR

A+
A
A-

 

 

Kənd Təsərrüfatı Nazirliyi yanında Dövlət Baytarlıq Xidməti (DBX) “quş qripi” xəstəliyi ilə bağlı keçirilən monitorinqi davam etdirir. Monitorinq milli qoruq və parklarda, quşçuluq və fərdi təsərrüfatlarda aparılır. Artıq Dövlət Baytarlıq Xidmətinin əməkdaşları seçmə üsulla ovlanmış 17 baş (Pirallahı adasındakı Abşeron Milli Parkından 4 baş, Şabran rayonundakı Ağzıbir ovçuluq təsərrüfatdan 8 baş, Salyan rayonundakı Şirvan Milli Parkından 5 baş) köçəri quşlardan patoloji material, həmçinin Abşeron, Neftçala, Oğuz və Şabran rayonlarındakı şəxsi və quşçuluq təsərrüfatlarında saxlanılan 148 baş ev quşundan qan nümunələri götürüblər.
Köçəri quşlar üzrə monitorinq aparılan ərazilərdə xəstə və xəstəlikdən tələf olan quşlara təsadüf edilməmiş, eləcə də təsərrüfatlarında saxlanılan quşlar arasında hər hansı iti yoluxucu infeksion xəstəliyə rast gəlinməmişdir.
Götürülmüş materiallar Azərbaycan Qida Təhlükəsizliyi İnstitutunun Milli İstinad Laboratoriyasında müayinə olunacaq və nəticələr ictimaiyyətə açıqlanacaq.
Dövlət Baytarlıq Xidməti bildirir ki, hazırda “quş qripi” və digər iti yoluxucu xəstəliklərə görə respublikada epizootik vəziyyət sabitdir. Bu sabitliyi qoruyub saxlamaq üçün Dövlət Baytarlıq Xidməti aidiyyəti qurumlarla birgə lazımi tədbirlər həyata keçirir.

14.11.2018
37

Nəşrlər

  • 17(297) 14 noyabr 2018-ci il

  • 15-16(295-296) 24 oktyabr 2018-ci il

  • 13-14(293-294) 20 sentyabr 2018-ci il

  • 12(292) 28 avqust 2018-ci il

Bannerlər